Homeઆંતરરાષ્ટ્રીયઆજે રમાનારી IND Vs ENGની પ્રથમ વન-ડે માં કોહલીની જગ્યાએ કોણ કરશે...

આજે રમાનારી IND Vs ENGની પ્રથમ વન-ડે માં કોહલીની જગ્યાએ કોણ કરશે બેટિંગ?

વિરાટ કોહલીને ઈંગ્લેન્ડ સામે રમાયેલી ત્રીજી T20 મેચમાં ગ્રોઈન ઈન્જરી થઈ હતી, જેના કારણે પહેલી વન્ડે અનફીટ હશે તો પ્લેઈંગ ઈલેવનમાંથી બહાર રહી શકે છે.

આજે રમાનારી IND Vs ENGની પ્રથમ વન-ડે માં કોહલીની જગ્યાએ કોણ કરશે બેટિંગ?

  • ઈંગ્લેન્ડ સામેની ત્રીજી T20 મેચમાં વિરાટ કોહલી બન્યો ગ્રોઈન ઈન્જરીનો શિકાર
  • ગ્રોઈન ઈન્જરીને કારણે કોહલી નહિ રમી શકે પ્રથમ વન-ડે મેચ
  • કોહલીની જગ્યાએ બેટિંગમાં ઉતરવા માટે સૂર્યકુમાર યાદવ, શ્રેયસ ઐયર અને ઋષભ પંત રેસમાં આગળ

ઈંગ્લેન્ડ સામેની T20 સિરીઝમાં કમાલ કર્યા બાદ હવે ટીમ વનડે મેચ માટે મેદાનમાં ઉતરી રહી છે. જોકે, પરંતુ વિરાટ કોહલીનું પહેલી વનડેમાં રમવાનું નિશ્ચિત મનાઈ રહ્યું નથી. કોહલીને ઈંગ્લેન્ડ સામેની ત્રીજી T20 મેચમાં ગ્રોઈન ઈન્જરી થઈ છે, જેના કારણે માનવામાં આવી રહ્યું છે કે તે પહેલી વનડેમાંથી બહાર રહી શકે છે. આવામાં કોહલીની જગ્યાએ બેટિંગમાં ઉતરવા માટે સૂર્યકુમાર યાદવ, શ્રેયસ ઐયર અને ઋષભ પંત રેસમાં આગળ છે.

એક તરફ વિરાટ કોહલી (Virat Kohli)ના ફોર્મને લઈને ઘણી ચર્ચાઓ થઈ રહી છે જેમાં ભૂતપૂર્વ સિનિયર ક્રિકેટર્સ પણ કૂદી પડ્યા છે. આ બધાની વચ્ચે હવે ભારત અને ઈંગ્લેન્ડ (India Vs England) વચ્ચે આજે રમાનારી પહેલી વનડે મેચ (IND Vs ENG, 1st ODI) પહેલા વિરાટ કોહલીના રમાવા પણ શંકાના વાદળો ઘેરાઈ રહ્યા છે. હવે આ સ્થિતિને જોતા વિરાટ કોહલીની જગ્યા પર પ્લેઈંગ ઈલેવનમાં રોહિત શર્મા (Rohit Sharma)એ કોને ચાન્સ આપવો તે મોટો પડકાર સાબિત થઈ શકે છે.

વિરાટ કોહલીને ઈંગ્લેન્ડ સામે રમાયેલી ત્રીજી T20 મેચમાં ગ્રોઈન ઈન્જરી થઈ હતી, જેના કારણે પહેલી વન્ડે અનફીટ હશે તો પ્લેઈંગ ઈલેવનમાંથી બહાર રહી શકે છે. એવામાં હવે ત્રીજા નંબર બેટિંગ કરવા માટે પ્લેઈંગ ઈલેવનમાં કેપ્ટન રોહિત શર્મા કયા ખેલાડીને તક આપશે કે જે પહેલી વિકેટ પડ્યા પછી ટીમને સંભાળી શકે? આવામાં રોહિત શર્મા પાસે ત્રણ ખેલાડીઓ છે તેમાં એક ખેલાડીએ તાજેતરમાં તોફાની બેટિંગ કરીને શ્રેષ્ઠ પ્રદર્શન કર્યું હતું.

સૂર્યકુમાર યાદવ
ભારત માટે અત્યાર સુધી 7 વનડે મેચ રમી ચૂકેલો સૂર્યકુમાર યાદવ વિરાટ કોહલીની જગ્યાએ ત્રીજા નંબર પર બેટિંગ કરવા માટે ઉતરી શકે છે, જે સૌથી સારો વિકલ્પ છે. સૂર્યકુમારે પાછલા સમયમાં પોતાના શ્રેષ્ઠ ફોર્મનું પ્રદર્શન કર્યું છે અને ઈંગ્લેન્ડ સામે ત્રીજી T20માં 117 રન બનાવ્યા હતા. જોકે, સૂર્યકુમારે આ પહેલા આયર્લેન્ડ સામે T20 મેચમાં કોઈ ખાસ કમાલ નહોતી કરી. આમ છતાં રોહિત શર્મા તેને ત્રીજા નંબર પર ઉતારી શકે છે. સૂર્યકુમાર યાદવ ઈન્ડિયન પ્રીમિયર લીગમાં મુંબઈ ઈન્ડિયન્સ માટે રોહિત શર્મા સાથે રમે છે અને તેને ઘણી વખત ત્રીજા નંબર પર બેટિંગ કરવાની તક મળી છે, અને ટીમને જીત અપાવી છે. આ સ્કોરકાર્ડને ધ્યાનમાં રાખીને રોહિત શર્મા વિરાટ કોહલીના સ્થાને સૂર્યકુમાર પર પસંદગીનો કળશ ઢોળી શકે છે.

શ્રેયસ ઐયર
સૂર્યકુમાર યાદવ પછી કેપ્ટન રોહિત શર્મા સામે બીજો વિકલ્પ શ્રેયસ ઐયર છે. શ્રેયસે ભારત માટે 26 વનડે મેચ રમી છે, જેમાં 947 રન બનાવ્યા છે. શ્રેયસ ઐયરને જ્યારે પણ તક મળી છે તેણે પોતાની ક્ષમતા પૂરવાર કરી છે. જ્યારે IPLમાં શ્રેયસ ઐયર પાસે નંબર ત્રણ પર બેટિંગ કરવાનો ઘણો અનુભવ છે અને ટીમ ઈન્ડિયામાં પણ તે આ નંબર પર બેટિંગ કરવા માટે સક્ષમ છે.

રિષભ પંત
જ્યારે વિકેટકીપર બેટ્સમેન રિષભ પંત પણ આ રેસમાં છે. પંતે ભારતીય ટીમમાં ચોથા નંબર કે પાંચમા નંબર પર બેટિંગ કરવા માટે આવે છે. જોકે, પંતની ઓળખ વિસ્ફોટક બેટ્સમેનની છે જેથી તે કોઈ પણ નંબરે સ્ફોટક બેટિંગ કરી શકે છે. જેના કારણે ઈંગ્લેન્ડ સામેની T20 સિરીઝમાં તેની પાસે કેપ્ટન રોહિત શર્માને ઓપરનિંગમાં બેટિંગ કરાવી હતી. આવામાં રિષભ પંત કે જેની પાસે સારી બેટિંગને ધ્યાનમાં રાખીને રોહિત શર્મા તેને નંબર પર ત્રણ પર ઉતારી શકે છે.

ભારત વિ ઈંગ્લેન્ડ વન-ડે શ્રેણી 12મી જુલાઈ 2022ના રોજ પ્રથમ ODI મેચથી શરૂ થશે. આ મેચ લંડનના કેનિંગ્ટન ઓવલ ખાતે રમાશે અને ભારતીય સમય મુજબ આ મેચ આજે સાંજે 05:30 વાગ્યે શરૂ થશે, સાંજે 05:00 વાગ્યે મેચનો ટોસ ઉછાળવામાં આવશે. રોહિત શર્મા ટીમ ઈન્ડિયાના કેપ્ટન હશે અને જોસ બટલર ઈંગ્લેન્ડ ટીમનું નેતૃત્વ કરશે. ત્યારે હવે જોવું એ રહ્યું કે આ ત્રણ ખેલાડીમાંથી કયા ખેલાડીને કોહલીના સ્થાને બેટિંગ કરવા મોકલવામાં આવશે. સૂર્યકુમાર યાદવ, શ્રેયસ ઐયર અને રિષભ પંત આ ત્રણેય ખેલાડીઓની બેટિંગ મજબુત છે. પરંતુ આજની મેચમાં જે ખેલાડીને વિરાટ કોહલીની જગ્યાએ બેટિંગ મળશે તે ખેલાડીને તેનું બેસ્ટ પર્ફોમન્સ દેખાડવું જરૂરી બનશે.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments